பாடல் -2

கீர்த்தனை

ராகம் -சண்முகப்பிரியா தாளம்-ஆதி
இயற்றியவர்- அடியவன் க. வி.பி

பல்லவி

முருகா என்றே உருகுது மனமே
முத்தமிழ் தலைவா வரம் அருள்வாயோ

அனுபல்லவி

நெடுமால் மருமா முருகா அழகா
குமரா குகனே குன்றாடும் செல்வனே

சரணம்

புள்ளி மயில் ஏறி துள்ளி விளையாடி
வள்ளியுன் நாடி தெள்ளு தமிழ் பாடி
சேவல் கொடியாடி செவ்வேள் உடனேந்தி
செந்தில் செல்வா வரமருள்வாயோ

சரணம் 2

தஜம் என்று தாளம் இசைத்திட
தகதொம் என்று மேளம் அதிர்திட
தோகைமயில் விரித்தாடிய அழகா
தேவர் குறைகளை தீர்த்த குமரா
உந்தன் சித்திர அழகை அடியவன் பாடிட
ஆறுமும் அசைத்தாடியே வா வா
அழகு மயில்மீதேறியே வா வா…
(முருகா..)

Advertisements

பாடல்-1

ராகம்- கானடா தாளம் – ஆதி
இயற்றியவர் – அடியவன் க.வி.பிரமீன்
பதம்

பல்லவி

வேங்குழல் ஊதிடும் மாயவனோ கண்ணா
வேதனை கொண்டேன் காதலினால் உன்னால்

அனு பல்லவி

கண்மூடி விளையாடி காதலில் கலந்தாய்
அது
கனவாய் மாறியதோ காரணம் சொல்வாய்

சரணம்

உந்தன் கரம் பற்ற என் மனம்தவிக்கிது
நீ என்னை அணைத்திட என் உள்ளம் துடிக்கிது
வெண்ணை தேடி பல வீடுகள் சென்றாய்
அதில்
என்னை மறந்து புது உறவு கொண்டாய்

சரணம் 2

உருகி உருகி மனம் மருளில் மயங்கி கணம்
கனவில் நினைவாக முடியில் இறகோடு
மதியின் முகத்தோடு அழகின் வனத்தோடு அன்பின் உளத்தோடு அன்று எனை அணைத்த மகிழ்வோடு என்றும் எனைக் கவரும் நிலையோடு தண்டை கொஞ்சிடும் பதத்தோடு தகிட தகஜணுத யதியோடு ஸநிகரி பமகரி சுரத்தோடு நாடித் தேடி எனை ஓடி நீ வந்து காதல் ரசம் படைத்து மோன நிலை கலைத்த

( வேங்குழல் ஊதிடும்)